عروبة السودان ضائعة

دعوة للنقاش في الهوية السودانية و تأصيلها
بعد انتها مبارة مصر و سيراليون بالتعادل ولكن لفت انتباهي حديث المعلق في الاستديو التحليلي حيث قال :- .... ويتواصل الفشل العربي في التصفيات وذكر نتائج منتخبات مصر والجزائر و المغرب وتونس حيث اسفرت كل المباريات بالتعادل ولم يشر الي فوز السودان :----
السؤال هل السودان دولة غير عربية؟؟؟؟؟
ولماذا يتجاهله العرب ؟؟؟؟ مع العلم لم اذكر او التقيت باي عربي يتحدث عن نسبه واقتران اصله بالصحابة و آل البيت مثلما نفعل نحن اهل السودان حيث نجتهد في إيصال نسبنا الي العباس و الزبير بن العوام وغيرهم من الصحابة الكرام
ام هذه ليست حقيقه
السودان افريقي ام عربي

عدد المساهمات : 56 تاريخ التسجيل : 18/09/2011

السودان بلد افريقي 100% ومسلم
اختلاط انسابنا بالعرب لا يمنحنا الهويه العربيه
واختلاطها بدم الزنوج الحار لايعطيها الهويه الزنجيه
وكذلك الحال بالنسبه للنوبه
نحن شعب متمايز متفرد
نحن سودانيون

نحن بلد مسلم
عربي
افريقي
غني بمواردو
مهمل من شعبو

كلامك كلو صاح يا سندريلا من حيث الجغرافيا و من حيث العرق
لكن برضو الحل شنو ؟؟؟؟ ناصل لهويتنا مع منو ؟؟ ناس كتار احساسهم بعروبتهم بمنعهم
من الاتجاه افريقيا رغم انهم سودانين !!!

موضوع: فعلا حقيقه السبت سبتمبر 24, 2011 5:19 am

زكرتي حقائق يا مشاعل
و نحمد الله علي نعمه الاسلام و الموارد
ورقم اننا نقول علي السودان عربي افريقي
برضو هويتو ضايعه
و السودانين في عجز عن التاصيل لدولتهم و انفسهم
من التوصل لحل المعضله

اذا كان اغلب السودانيين ماعارفين يعني شنو هوية او تاصيل وماعارفين اصلا انو في معضلة نحن لسة بعيدين بعيدين بعيدين
والناس العارفين لسة في المرحلة النظرية مافي عملي

موضوع: كلام صاح الأحد سبتمبر 25, 2011 7:37 am

كلامك كويس يا مشاعل و الجهل مصيبه و كتير من الناس بتجنبو النقاش
و المحاوره نتيجه لعدم معرفتم
و احنا بطرحنا للبوست ده في منتدانا بنضرب عصفورين بحجر
العصفور الاول التسقيف لناسنا ناس المنتدي اذا بقو ما عارفين
للموضوع اساسا او سامعين الكلمه و ما فاهمين المعني (( وحقيقتا كتير من الاعضاء بكتفو بلمشاهده او بقرايه البكتبو الناس و بحاولو يستفيد منو )
العصفور التاني يمكن يطلع بيناتنا في المنتدي الزول او الزوله الفاهمه
الممكن تطرح افكار و حلول تنطلق من منتدانا بكل فخر لتنتشر و تعم و تتنفذ كمان
و دي فايده كبيري من فوائد المنتديات عموما
و ما دام انتي بتري انو ممكن يكون في بعض الناس المافاهمين معني التاصيل
انا بري انو من الاحسن نفرد مساحه لشرح معني التاصيل
و انا حا اكتب موضوع منفصل في نفس المنتدي (العام ) لشرح الكلمه
انشاء الله

عدلت عن فكره شرح جمله (( التاصيل للهويه )) في بوست منفصل لسببين
الاول حتي لا يتشتت الموضوع لكي تكون كل المعلومات متصله لفائده القاري
السبب الثاني شرح الكللمتين ودمجهم لاعطاء المعني ليس بلموضوع الكبير
الكلمه الاولي معني التاصيل
الألف والصاد واللام أصل يدل على أساس الشيء
أَصَّلْتُهُ تَأْصِلاً : جعلت له أصلا ثابتا يبنى عليه غيره ، وأَصَّلَ الشيء : جعل له أصلا ثابتا يبنى عليه ، وبهذا يكون معنى التأصيل إرجاع القول و الفعل إلى أصل و أساس يقوم ويبنى عليه
معنى تأصيل في قاموس المعاني. قاموس عربي عربي
تأصيل - تَأْصِيلٌ:

[أ ص ل]. (مصدر أَصَّلَ).
1."تَأْصِيلُ الشَّيْءِ" : جَعْلُهُ ذَا أَصْلٍ ثَابِتٍ.
2."تَأْصِيلُ النَّسَبِ" : تَبْيَانُ أَصْلِهِ وَأَصَالَتِهِ.

المعجم: الغني

الكلمه الثانيه معني كلمه هويه وهو
الهوية هي: حقيقة الشيء أو الشخص المطلقة، المشتملة على صفاته الجوهرية، والتي تميز عن غيره، وتسمى أيضاً وحدة الذات

و بدمج الكلمتين مع بعض او المعنايين نخلص الي
التاصيل للهويه السودانيه هو توضيح الجزور الاصليه للشخصيه السودانيه التي تميز السودان عن الباقين

تسلم وشكرا على الاجتهاد والبحث والتثقيف
بالله كتر لينا من الجرعات دي

شكرا مشاعل علي المرور و الاطراء

اتمني الفائده تعم الحميع

و اتمني انو الناس يسالو ولا يناقشو في الاشياء الما مفهومه ليهم عشان نقدر نعرفا و نحاول نشرحا

و المواضيع ممكن تطرح علي مختلف الاشكال او الاساله

و الله الموفق

» موضوع للنقاش هل تقسشم السودان لولايات هو السبب
» اختراع محتاجين ليهو بشده في السودان ((التلاجه الشمسيه))